Galin femínisk hugmyndafræði

Þetta er valda flokkur kvenna hvers lög flóksins tala bara um kvennfrelsi en ekki karlfrelsi, og hvað með aumingja öll hin kynin.

  1. grein

Markmið hreyfingarinnar er að berjast fyrir jafnrétti, jöfnuði, réttlæti, kvenfrelsi,... og friðsamlegri sambúð þjóða.

Það er greinilegt að eitruð kvennmeska og eða galin femínisk hugmyndafræði hefur náð völdum þarna. Ætla þessi öfl að notfæra sér metoo 2 og blása það upp sér til framdráttar svona rétt fyrir kosningar. 

 


mbl.is „Mér þykir leitt hvernig ég hef hagað mér“
Tilkynna um óviðeigandi tengingu við frétt

Borgarstjóri í stríði við flugvöllinn

Hvernig getur Borgarstjóri skipað sér í fylkingu í svo risavöxnu máli sem einhver sem er með eða á móti. Af hverju hefur hann ekki vit á því að halda sig til hlés, vera pasífur  og vinna að endanlegri niðurstöðu fyrir borgina og landið allt. Af hverju er honum sama um að borgarbúar,  ja landsmenn allir hafi hann grunnaðan um að ganga erinda peninga afla, ha spilling.

Er honum bara alveg sama, er þetta bara ásættanlegur fornar kostnaður við að þumbast áfram með þennan kaleik sem er orðinn súrsættur og beiskur í senn. Er einhver  er að pönkast á bakvið tjöldin og beita pólitíkusum fyrir sig, einhver peningaöfl  ?

Hvernig er eiginlega komið fyrir okkur. Í öllum löndum í vestrænum heimi er litið öfundar augum til borgarinnar okkar. Höfuðborg  með þennan líka flotta, vel staðsetan og skipulagðan innanlands flugvöll í miðri borginni. Halló  Það er eftirsóknarvert fyrir allra hluta sakir.

Í kosningunni um framtíð Vatnsmýrarinnar/Flugvöllur í mars 2001 vildu 49,3% að flugvöllurinn verði fluttur en 48,1% að hann yrði áfram í Vatnsmýrinni. Það er eftirtektarvert að aðeins kusu 30.219 borgarbúar. Og  Kosninga þáttaka var aðeins 37% https://is.wikipedia.org/wiki/Reykjav%C3%ADkurflugv%C3%B6llur

Í apríl 2013 var gerð könnun fyrir Stöð 2 og Fréttablaðið. Þar kom í ljós að yfir 80 prósent landsmanna vilja að Reykjavíkurflugvöllur verði kyrr í Vatnsmýrinni. Sérstaka athygli vakti að ekki var munur á afstöðu höfuðborgarbúa og þeirra sem búa á landsbyggðinni. Samkvæmt könnuninni var afstaða Reykvíkinga til málsins gjörbreytt frá því sem var í kosningum um framtíð flugvallarins árið 2001.

Hvernig liggur landið núna ef kosið yrði um flugvöllinn. Hvernig væri ef Borgarstjóri gæfi frá sér þennan kaleik sem hann einn hefur gert beiskan og hreinlega segði til um það að í kosningum næsta vor 2018 yrði líka kosið um eftirfarandi: Á að kjósa bindandi kosningu í Alþingiskosningum 2020 um framtíð flugvallarins.

Semsagt  eigum við ekki að leifa landsbyggðinni að koma að ákvörðun með okkur um  þvílíkt stórmál sem skiptir okkur öll gríðar miklu. Nú þá kemur væntanlega vilji borgarbúa og þjóðarinnar allrar í ljós og lægi skýr fyrir okkur á vordögum 2020  Varla fer Borgarstjóri að hundsa og spilla þeim úrslitum eins og fjandmenn hans gerðu með stjórnlagaþingið.


"Það er erfitt fyrir landeigendur að sætta sig við lækkun"

Ég á erfitt með að skilja hvers vegna það ætti að vera erfiðara fyrir landeigendur að sætta sig við lækkun heldur en veiðimenn að kyngja stöðugum verðhækkunum. Hækkunum sem eru nú að koma í bakið á öllum.

Veiðiárnar hafa runnið á óðali landeigenda um aldir og fyrir utan kostnað vegna uppbyggingu  þá eru enginn útgjöld sem hafa aukist hjá landeigendum  samanborið hjá veiðimönnum. Árnar hafa malað gull án verulegrar áhættu og kostnaðar, öfugt við veiðimenn.

  


mbl.is „Verðið þarf að lækka“
Tilkynna um óviðeigandi tengingu við frétt

Að fyrirgefa sjálfstæðisflokknum

Það er ekki gott né holt að vera reiður, beiskur og ala á hatri. Þess vegna er mér, sem og tugþúsunda annarra, það raunveruleg þörf að fyrirgefa, leggja Hrunið að baki og horfa fram á veg. Reyna að skilja endanlega við Klúðrið og afleiðingar þess.

 Að fyrirgefa er ferli sem er nokkuð vel skilgreint af aðiljum í félagsvísindum og jú prestum. Gott er að taka einfalt dæmi sem prestar fást reglulega við, að sætta tvo aðila. Við getum hugsað okkur hjón þar sem annar aðilinn braut trúnað og hélt framhjá maka sínum. Ef viljinn er til staðar hjá hjónunum um að sættast er fyrirgefningin lykilatriði til að svo megi verða. Sá sem brotið er á þarf að skynja óhyggjandi iðrun og eftirsjá, leggja þarf öll spil á borðið og viðurkenna hjúskaparbrotið. Það er ekki fyrr en fyrst þá sem hægt er að fyrirgefa. Ef sönn iðrun og einlæg fyrirgefning koma samann er hægt að halda áfram og byggja upp.

Við þurfum ekkert að efast um brot sjálfstæðisflokksins. Þau eru af öðrum toga og annarri stærðargráðu en hjúskaparbrot. Hér misstu menn sjónar á þjóðarhag, hygluðu vanhæfum flokkshestum í opinberar ábyrgðarstöður, eftirlitið var ekkert og ráðamenn voru komnir í tangó og ræl við viðskiptalífið. Þingmenn þáðu miljóna tugi í kosningasjóði frá vafasömum aðilum og siðferðið hrapaði í takt við ris hlutabréfavísitölunar. Sjálfumglaðir stjórnmálamenn slepptu gráðugum excel-stuttbuxna guttum lausum með banka upp á arminn, eftirlitslausum.

Allt þetta er tíundað í skýrslu Rannsóknarnefndar Alþingis. Auðvitað eiga einstakir fjárglæframenn sem voru ekki í flokknum líka sök en ef að 2 ára krakki treður kettlingnum í örbylgjuofninn leitum við orsakanna hjá barnapíunni og foreldrunum. Það er tæpast hægt að refsa óvitanum. Hér varð til kærulaus elíta sem græddi á daginn og grillaði á kvöldin. Framámenn og ákveðinn kjarni í flokknum eiga stærstan þátt í því hvernig þjóðfélag byggðist hér upp síðustu áratugi og bera ábyrgð.

Og í þennan flokk fæddist ég. Notaði fyrsta kosningarétt minn til að kjósa Davíð sem borgarstjóra og kaus flokkinn eftirleiðis fram að hruni. Virðing var borinn fyrir stjórnmálamönnum og orð þeirra innbyrgð gagnrýnislaust. Stétt með stétt o.s.frv. Annað kom ekki til greina. Eitt slagorðið í kosningum 2007 var efnahagslegur stöðugleiki !

Svo gerist það að það Hrynur allt bankakerfið með hrikalegum afleiðingum fyrir okkur öll. Og það rennur upp fyrir manni eins og barninu í sögum H.C. Andersen að keisarinn var alsnakinn. Það stóð ekki steinn yfir steini hjá velklæddum framármönum flokksins, þeir voru með allt niðrum sig og búnir að gera feitt uppá bak. Í skýrslu rannsóknarnefndar Alþingis er þetta rakið í smáatriðum.

Árið eftir hrun er undirbúinn Landsfundur og formannskjör. Raddir innann flokksins knýja á um að það þarf að gera eitthvað. Hvað fór úrskeiðis, draga lærdóm og má ekki gerast aftur heyrðist hvíslað á göngum. Skipuð var Endurreisnarnefnd Sjálfstæðisflokksins og langar mig til að vitna í inngang að drögum sem birtust fimmtudaginn, 26. febrúar 2009

"Það er flokknum hollt að líta um öxl og reyna að svara heiðarlega hvað það var sem brást og hvað hefði mátt gera betur. Hér er gerð tilraun til að varpa nokkru ljósi á atburðarásina og þar dregin fram hugsanleg mistök stjórnvalda og stofnana á vegum stjórnvalda á undangengnum árum. Gagnrýni þessi gerir ráð fyrir að Sjálfstæðisflokkurinn hefði, með öðrum viðbrögum, aðgerðum , m.a. með lagasetningum eða breytingum á núgildandi lögum, getað minnkað skaðann sem hrun bankanna hafði á þjóðarhag"

Svo mörg voru þau orð og maður fylltist bjartsýni og trú að nú hæfist ferli fyrirgefninga og sátta sem myndi skila okkur skjótar upp úr þeim neikvæða graut sem farinn var að malla. En nei, aldeilis ekki. Þessi eina viðleitni flokksins var skotin í kaf af Davið Oddsyni á landsfundinum þar sem hann hæddist að fólki, upphóf sjálfann sig og kenndi öllum öðrum um. Og það sem verra var að í fullkominni meðvirkni risu landsfundarfulltrúar á fætur og hylltu Hrunameistarann með dynjandi lofataki. Svona eins og til að hnykkja á að hann hefði alltaf rétt fyrir sér og ætti að sjálfsögðu síðasta orðið.

Það kom svo síðar í ljós hjá Rannsóknarnefnd Alþingis að skýrsla endurreisnar-nefndar sjálfstæðisflokksins var alsekki fjarri sannleikanum og það veit sá sem vita vill.

Enn í dag hefur enginn af fyrrum ráðherrum eða þingmönnum stigið fram af auðmýkt og rakið af heilindum hvað gerðist, afhverju og hverja er um að ræða. Enginn lýsir ábyrgð hvað þá sök og vegna þess, er mér sem og tugþúsundum annara, fyrirmunað að fyrirgefa. Það er bara ekki að gerast.

Og hvar stendur maður þá. Er ekki bara best að skilja við þetta pakk eins og forsmáð eiginkona sagði eitt sinn. Jú það er útséð um að þetta uppgjör eigi sér stað. Þessvegna ætla ég að láta það verða mitt síðasta verk sem flokksbundinn Sjálfstæðismaður að kjósa í komandi prófkjöri og segja mig síðan úr flokknum og hreinlega stíga út úr þessum drullupolli.


sjómaður stígur fram

Nú er hafinn allsherjar herkvaðning Sægreifana og skal nú ráðist fram með offorsi kjafti og klóm. Ekki er laust við að hugtakið "sókn er besta vörnin" hafi komið upp í huga manns er maður heyrði af fundinum dramatíska í Vestmannaeyjum þann 21. janúar sl. Þar sem bæjarstjóri Vestmannaeyjar, steig fram og reyndi að sannfæra okkur um að hann talaði máli fisverkafólks og sjómanna. Nú tekur steininn úr og við sjáum í raun, grímulaust hvað gengið er langt í að verja sérhagmuni þessarar elítu sem hefur skuldset greinina með kaupum á bílaumboðum, hrossabúgörðum, glerhöllum hér í Rvk, Vöndlum og vindlingum og hvað þetta heitir alltsaman sem við venjulegt fólk hefur ekki neinar forsendur né vilja til að skilja. Þessi elíta hefur dinglað í einhverskonar yfirstéttar útópíu lífi, kostuðu af leigu og sölu á kvóta. Hvað hefur allt þetta brask og hégómi með útgerð að gera? Þeir hittu svo sannarlega sannleikann í hjartastað þeir Þórólfur Matthíasson hagfræðiprófessor "Samhengi hlutanna"og Kristinn H. Gunnarsson, fv. alþingismaður "Allt rangt hjá Þorsteini" í Fréttablaðinu 31. maí sl.
Það er alkunna að sjómenn og fiskverkafólk eiga ekki svo gott með að láta í ljós skoðanir sínar á kvótabraskinu. Í umræðunni um brottkastið undanfarin ár hafa sárafáir sjómenn stigið fram og vitnað um brjálæðið. Ég þekki þetta persónulega sjálfur hafandi búið í 18 ár í miðlungsstóru sjávarplássi þar sem ég var til sjós hjá stærstu útgerðaraðilunum auk þess að starfa við eigin rekstur í veitinga og gistihúsageiranum. Það hefði ekki hvarflað að manni að gagnrýna eitt né annað opinberlega eins og undirritaður gerir hér. Það þarf enginn að efast um skoðanir venjulegs fólks á háttalagi og málflutningi þessara manna. Öll þjóðin er búinn að fá upp í kok. Það er búið að þvæla og flækja sáraeinfaldan hlut, beita ósvífnum hræðsluáróðri um sviðinn sjávarpláss og allsherjar gjaldþroti með fólksflótta, atvinnuleysi og hörmungum. Fari þeir þá bara á hausinn. Skipin og húsin, mannskapurinn og verkkunnáttan fara ekki neitt og verða ekki af fólkinu tekinn. Varla sökkva hrúðurkallar skipum eða fullkominn frystihús fúna sundur.
Þessir menn kaupa pólitíkusa gegnum prófkjör, lána þeim fé á vildarkjörum, dæla fjármunum í flokka og síðastliðin misseri þegar tók að kreppa að þeim var vopnabúrið styrkt með Moggakaupum og til öryggis var Hrunameistari no.1 settur í ritstjórastólinn. Hafinn var kerfisbundinn heilaþvottur þess efnis að ekki sé hægt að breyta neinu, kvótinn sé veðsett eign og búin að ganga kaupum og sölum í fleiri ár. Að ekki sé hægt að taka kvótann af einhverjum sem keypti hann af öðrum og svo koll af kolli. Þetta kallast að slá ryki í augu okkar og til þess fallið að drepa málinu á dreif. Við vitum öll hver á fiskinn í sjónum. Hvernig er mögulega hægt að þvæla meira með þetta. Þessir menn hafa hreinlega verið að versla með þýfi með fulltingi banka, fæ ég ekki betur séð. Í smáauglýsinga dálkum á netinu er eftirfarandi tilkynning frá lögreglunni
„Lögreglan á höfuðborgarsvæðinu hvetur fólk til að vera á varðbergi gagnvart þýfi og hafa samband ef grunsemdir vakna. Ennfremur er minnt á ábyrgð þess sem kaupir þýfi“
Grunlausir kaupendur hafa þurft að afhenda varning (Þýfi) og staðið uppi með sárt ennið ef ekki hefur verið hægt að lögsækja seljandann (Þjófinn)
Framkoma þessara manna gagnvart réttkjörnum stjórnvöldum sem voru kosin meðal annars til að leiðrétta þessa vitleysu er fáheyrð. Hér fer fámennur hópur fólks sem stendur upp í hárinu á stjórnvöldum og hótar efnahagslegum hryðjuverkum. Frekjan, hrokinn, siðblindan og yfirgangurinn er algjör. Ekki er nóg með að búið er að ganga ógætilega um auðlindina með brotkasti og illa skipulagðri sókn í tegundir á röngum árstíma. Ætlunin er hreinlega að ræna henni með ofbeldi. Nei ykkur er ekki vorkunn að greiða uppsett gjald og sætta ykkur við töluvert minni gróða, hvort þið sitjið uppi með 3 krónur, 7 krónur eða 2,30 krónur í hreinan hagnað er ekki ykkar að ákveða né koma í veg fyrir. Við sem þjóð höfum til þess Stjórnvald sem heitir Alþingi og þó að margt megi um það deila þá er það ekki lengur í skúffum Viðskiptaþings eða LÍU.
Nú ríður á að við venjulegt fólk í landinu snúum bökum saman og verjumst árásum þessara manna sem með braski sínu og niðurrifi góðra gilda eiga sinn þátt í því hvernig komið er fyrir landi okkar og þjóð.
Birgir Hauksson.


Ábyrgð fjölmiðla.

Það þarf að koma í veg fyrir að fjölmiðlar taki yfir aðstæður og beinlínis stýri atburðarásinni beint og óbeint. Magni upp væntanlega atburði, vantar bara selja auglýsingar í beina dagskrá meðann beðið er. Þvílíkt drama.
mbl.is Lent heilu og höldnu
Tilkynna um óviðeigandi tengingu við frétt

Innskráning

Ath. Vinsamlegast kveikið á Javascript til að hefja innskráningu.

Hafðu samband